Мәктәпкә әзерлек: балага ничек ярдәм итәргә һәм стресстан сакларга?

1. Көн тәртибенә акрынлап кертү

Җәй көннәрендә үзе теләгән вакытта йоклаган баланы кискен иртә торырга күндерү — стресс. 1 атна алдан режимны көйләгез:

• һәр көнне 10-15 минутка иртәрәк уятыгыз

• Иртәнге 7гә йокыны күнектерү — мәктәпкә җитәрлек энергия туплау өчен мөһим.
  Йокысы туймаган бала көйсез, тынгысыз һәм белемне авыр үзләштерүче булырга мөмкин. 

2. Психологик әзерлек: уйнау да белем алу була ала!

Күп ата-аналар җәен баланы укырга-язарга өйрәтүгә керешә, әмма мәктәпкә әзерлек — беренче чиратта, социаль һәм эмоциональ сәләтләр үстерү ул:

• Үз-үзеңә хезмәт күрсәтү (мөстәкыйль киенә белү, портфель әзерләү).

• Кагыйдәләргә буйсыну (режим саклау, өлкәннәрне тыңлау).

• Хисләр белән идарә итү (куркуны җиңү, тынычлану техникалары).

Киңәш: Җәйне «репетиция» итеп кулланмагыз — балага үзенчә уйнарга вакыт бирегез.

3. Түгәрәкләргә бирергә ашыкмагыз

Беренче чирек — бала өчен адаптация чоры. 60% бала авыру, ару, йокы проблемалары белән очраша. Шуңа күрә:

• Сентябрь-октябрьдә баланы өстәмә йөкләмәләрдән саклагыз (спорт, музыка һ.б.).

• Аңа яңа яшәү ритмына күнегү өчен 2-6 атна бирегез.

4. «Биш»легә генә уку түгел, ә күңел тынычлыгы кирәк

Ата-аналар еш кына:

«5’ле генә кайт!», «Ике алма!» — дип куркыта.

Нәтиҗә: балада үзенә ышанмый, даими стресс кичерә. Киресенчә:

• «Нинди билге алуыңа карамастан, без сине яратабыз» — дигән сүзегез мөһим.

• I сыйныфта рәсми билгеләр юк — моны истә тотыгыз!

5. 1 сентябрьне бәйрәм итеп үткәрегез!

Тәүге тапкыр мәктәптә булу көне җылы һәм истә калырлык үтсен:

• Гаилә белән паркка, кинога сәяхәт итегез.

• Матур гаилә ритуалы булдырыгыз (бергәләп зоопаркка барырга була)

Искәрмә: Бала мәктәпне курку урыны түгел, яңа мөмкинлекләр дөньясы итеп күрсен!