Вәрәш-Баш һәм Иске Вәрәш авылларында изге Корбан гаетен зурлап үтте
Бу хакта авыл җирлеге башлыгы Зөлфия Галиева хәбәр итте
Вәрәшбаш авыл җирлегенә керүче Вәрәш-Баш һәм Иске Вәрәш авылларында изге Корбан гаетен зурлап билгеләп үткәннәр. Бу хакта авыл җирлеге башлыгы Зөлфия Галиева хәбәр итә: "Ике авылда да бәйрәм уңаеннан чәй өстәлләре әзерләнде. Вәрәш-Баш авылындагы мәчетебездә авылдашларыбызны бәйрәм коймагы белән сыйладык. Иске Вәрәш авылында авылыбыз егетләре җыелып Корбан гаете уңаеннан сарык чалдылар. Сабантуй мәйданында әлеге иттән шулпа пешереп бар авыл халкын һәм кайткан кунакларыбызны кунак иттек", - диде ул.
Зөлфия Галиева фотолары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев