Мәчеттә - музей ачыла

Тарихын белмәгәннең киләчәге юк, дигән борынгылар. Районыбызның дин әһелләре төбәкнең ислам тарихын барлый башлаган. Бигрәк тә имамнарыбыз, авыл муллалары, элеккеге мәдәрәсә мөгаллимнәре тарихын өйрәнү кыйммәте, ихтыяҗы бар.

"Жәмигъ мәчетенең икенче катында урнашкан музейда авылларыбызның халык яшәешендә булган иске әйберләр (комган, милли киемнәр, түбәтәйләр, бизәнгечләр, милләт белән бәйле булган һәрнәрсә - иске китаплар, көнкүреш кирәк-яраклары һ.б.) җыябыз. Әлеге эш киләчәк буын өчен бер тәрбия чарасы булып торачак. Мәгълүмат һәм әйберләр туплау элеккеге чор кешесенең зур авырлыклар аша үтүен, бүгенге тормыш белән чагыштырсак, хәзерге дөньяның әлхәмдүлиллаһ әйтеп яшәрлек булуын аңлыйсың", – ди мәчетнең музей директоры Мөнир хәзрәт Борһанов.

 Фото - Мөслим-информ архивыннан.