Корбан гаете үтте

Кичә районыбыз мәчетләрендә Корбан гаете уңаеннан чаралар узды.

Иртәнге сәгатьләрдә Мөслимнең Җәмигъ мәчетендә бәйрәм намазы, Коръән аятьләре укылды, вәгазь сөйләнде.

Район башлыгы Альберт Хуҗин мәхәллә халкын бәйрәм белән тәбрикләп, илгә-көнгә иминлек, бәрәкәтле тормыш теләде.

Бәйрәм намазына килүчеләр өчен мәчет ишегалдында чәй табыны әзерләнгән иде.

14.00 сәгатькә "Яшьлек" стадионында балалар өчен программа әзерләнгән. Биредә корбан итеннән пешерелгән пылаудан да авыз итәргә мөмкин булачак.

Фотолар - Гөлназ Җәлилова, Мөслим мөхтәсибәте.