Авылым тарихы. Мари Бүләр
Мари Бүләр – Мөшеге елгасы ярына урнашкан авыл. Мөслим авылыннан төньяк-көнчыгышка таба 28 км ераклыкта. 1747 елдан билгеле. Революциягә кадәр булган чыганакларда Чирмеш Бүләре буларак телгә алына. XVIII-XIX гасырларда авыл халкы типтәрләргә караган. Бу чорда игенчелек һәм терлекчелек аларның төп шөгыле булган. 1896 елда авылда рус-чирмеш училищесы ачыла (1903 елда анда 26 малай һәм өч кыз укый).
