6 декабрь 2016 яңалыклары

Халыкара Йордан университеты профессоры килде

Бүген Зифа Басыйрова исемендәге район мәдәният йортында Алман университеты профессоры, шәех Мәхмүд Габдеррәззак Әс-Сәгъди белән очрашу бара. Ахшам намазыннан соң 15:15 сәгатьтә оештырылучы әлеге чарада теләгән һәркем катнаша.

Сәламәтлек мөмкинлекләре чикле булганнар спортта ярышты (ФОТОРЕПОРТАЖ)

Балалар һәм яшүсмерләр спорт мәктәбендә инвалидлар арасында спартакиада үтте. Анда 20дән артык инвалид катнашты. Алар дартс, шашка-шахмат, урыннан сикерү һәми күңелле стартларда үзара көч сынашты. Җиңүчеләргә бүләкләр тапшырылды.

МТВ 2.12.2016

Игътибар, ут булмый!

7нче декабрь көнне линиядә ремонт үткәрелү сәбәпле 10 сәгатьтән 14 сәгатькә кадәр Иске Сәет, Тат. Бүләр, Исәнсеф авылларында; 13 сәгатьтән 17 сәгатькә кадәр Үрәзмәт, Яңа Үрәзмәт һәм Яңа Сәет авылларында ут булмаячак, дип хәбәр иттеләр район электр челтәрләреннән.

Мәдәният хезмәткәрләре киңәште

Урыссуда мәдәни-ял учреждениеләре хезмәткәрләренең республика семинары үтте. Анда республиканың тугыз районы вәкилләре катнашты.

"Нептун" йөзүчеләре Яңа Чишмә районы спортчылары белән ярышты

Районның йөзү командасы Яңа Чишмә "Жемчужина" балалар һәм яшүсмерләр спорт мәктәбе беренчелегенә үткән ярышларда катнашты. Бәйге өч яшь категориясендә узды.

8-11 декабрь көннәренә һава торышы

8 декабрь -15, -19, аязучан болытлы, урыны белән кар, җил - көньяк-көнбатыштан. 9 декабрь -14, -9, болытлы, җил - көньяк-көнбатыштан. 10 декабрь -10, -7, болытлы, кар, җил - көньяк-көнбатыштан. 11 декабрь -10, -13, аязучан-болытлы, кар, җил - төньяк-көнбатыштан.