Бу көнне Мөслимдә

10 июнь Безнең өлеш

Быел һәр сыерлы хуҗалык XXII партсъезд исемендәге колхоз белән төзегән договор нигезендә дәүләткә 300 килограмм сөт сатарга булган иде. Бүгенге көнгә инде бу күләмдә продукция тапшырган кешеләрне күпләп саный алабыз. И. Ремеев, мәсәлән, 330 килограмм сөт сатып бирде. Ф. Исламова, Д. Мусина, Л. Тәхауова, Г. Исанова, С. Шоматбаева иптәшләр дә шушы чиккә якынлашып киләләр. Авыл кешеләренең активлыгы нәтиҗәсендә май аенда гына да 39 центнер (һәр сыерга уртача 100 килограмм) сөт хәзерләнде. Эш шушы темп белән барганда, яртыеллык планны сайлаулар көненә хәл итәчәкбез.

С. Әсманова, Бикмәч авылы сөт җыйнаучысы.