Бу көнне Мөслимдә

15 май
Көрәш дәвам итә
Шытымнар чыкканда чәчүлекләрне катоклау һәм тырмалау уңыш өчен көрәштә зур роль уйный. Механизаторларыбыз әлеге чараларны вакытында үткәрүгә җитди әһәмият бирделәр. Бу эш 2000 гектарга якын мәйданда башкарылды. Бодай, арпа, борчак культуралары чәчүлекләрен тәрбияләүдә Ф. Гыйльметдинов, Ә. Закиров, Г. Морзаханов, ә чөгендер плантациясен эшкәртүдә К. Гарипов һәм И. Әрдәширов иптәшләр аеруча өлгерлек күрсәттеләр. Кичә звено җитәкчесе Нәдип Рәфыйков кукуруз чәчүгә кереште һәм беренче көнне үк норманы арттырып үтәде.
Ф. Сәхипгәрәев,
“Урал” колхозы 
председателе.