Бу көнне Мөслимдә

Яңа елга әзерлек

Безнең Әмәкәй урта мәктәбендә моңа хәзерлек күптән башланды. V класс пионерлары “Исәнме, Яңа ел” дигән монтаж куярга җыеналар. Башка класслар үзләренең иң яхшы җырчыларын, биючеләрен, нәфис сүз осталарын кичәдә чыгыш ясарга әзерли. Башлангыч класслар үзләре укыган бүлмәләргә бәйрәм төсен күптән керттеләр. Газеталарга конкурслар башланды. Рәсем конкурсы дәвам итә. Тиздән без мәктәбебезнең иң матур һәм эчтәлекле стена газеталарын, оста куллы рәссамнарын беләчәкбез. Җиңүчеләрне истәлекле бүләкләр көтә.

Тәнзилә Миркаева.

Фото – «Мөслим-информ» архивыннан.