Бу көнне Мөслимдә

23 декабрь. Тагылма кораллар әзерләү төгәлләнә.

1979 елның язгы кыр эшләренә үрнәк хәзерлек белән килергә – безнең Калинин исемендәге колхоз механизаторлары үз алларына шундый максат куйдылар. Бу юнәлештә алып барылган эшләрнең иң мөһиме – техниканы сафка бастыру. Метрәй бригадасында бу эш белән ике звено шөгыльләнә. Зөфәр Сәгыйтов һәм Сәетнәсим Сәетов тырма төзәтәләр, ә Исрафил Димиев һәм коммунист Идрис Солтанов чәчкечләр ремонтлау белән мәшгуль. Ольгино бригадасында тагылма инвентарьлар ремонтлау Александр Лапшин һәм Александр Топоровка йөкләнде. Механизаторлар вакытның кадерен белеп, өлгер эшлиләр.

Ф. Миргалимов, инженер-механик.

Фото – «Мөслим-информ» архивыннан.