Бу көнне Мөслимдә

18 июль
Сөрелгән мәйдан арта
“Трудовик” тәҗрибә-җитештерү хуҗалыгы механизаторлары КПСС Үзәк комитетының июль пленумы карарларына конкрет эш белән җавап бирәләр. Хуҗалыкта 636 гектар мәйдан сөрелде инде. Механизаторлар техниканың югары җитештерүчәнлеген тәэмин итәләр. Мәсәлән, Рафаэль Әхмәтҗанов смена нормасын даими арттырып үти, сыйфат та әйбәт. Гыйбадулла Юнысов 68 гектарда сөрү үткәрде. Механизаторлар, бөртеклеләрне урып-җыю башланганга кадәр, көзге культуралар астына чәчүчеләр өчен киң эш фронты булдырырга омтылып хезмәт куялар. 
Ф.Хөснетдинов.