Бу көнне

1989 ел, 18 май

Бәрәңге утыртабыз

“Авангард” колхозы игенчеләре авыл хуҗалыгы культураларыннан югары уңыш үстерүне максат итеп куйдылар. Моның өчен көздән сөрелгән мәйданнарга кышын черемә чыгарылды. Барлык техника сыйфатлы ремонтланды. Механизаторларыбыз Р.Миңнебаев, В.Виноградов, Р.Хәбиров культивация, дым каплау үткәрделәр. Чәчүдә исә В.Савинов алдынгы. Аның хөрмәтенә колхоз идарәсе каршында Дан флагы күтәрелде. Шулай ук М.Муллин, Р.Дәүләтгәрәев, М.Идиятуллин да сынатмыйлаар. Бер үк вакытта бәрәңге утырту бара. Бу эштә Г.Галиуллин һәм И. Варисов өлгерлек күрсәтә.

Г. Софина, бухгалтер.