Бу көнне Мөслимдә

16 ноябрь. Яшь хезмәткәр булдыра

“Правда” колхозының игенчеләр сафы ел саен яшь көчләр исәбенә тулылана бара. Рафаэль Шаринның да хәрби хезмәттән кайтып эшли башлавына әле күп вакыт узмады. Ул инде үзенең фидакарьлеге белән танылып та өлгерде. Рафаэль язгы кыр эшләре, терлек азыгы туплау, көзге чәчү өчен туфрак әзерләү кампанияләрендә үрнәк булырлык хезмәт куйды. Бүгенге көндә ул җирләрне ашлауда катнаша. Төягечтә эшләп, черемә ташучы тракторларның даими хәрәкәтләнүен тәэмин итә.

Фото – Мөслим-информ архивыннан