Марсель Бакировка 90 яшь тулды

Бүген, 10 декабрьдә, галим, язучы, филология фәннәре докторы, КФУ профессоры, Россия Гуманитар фәннәр академиясе академигы, "Дуслык" ордены һәм фән-мәгариф өлкәсендәге алтын-көмеш медальләр белән бүләкләнгән, Татарстанның атказанган фән эшлеклесе, Татарстанның атказанган мәдәният хезмәткәре, Кол Гали исемендәге халыкара премия лауреаты, бүген дә газетабызга милләтебез гореф-гадәтләре белән бәйле кызыклы язмалар биреп торучы якташыбыз Марсель Хәернас улы Бакировка 90 яшь тулды.

Татар фольклорының борынгы катламнарын күрә алган, төрки халыклар генезисын, аларның иң борынгы этномәдәни тарихын өйрәнгән, төрки-татар шигыренең асылына төшкән күпсанлы фәнни хезмәтләр авторы, олпат галим, юмор сөюче профессорны туган көне белән котлыйбыз. Сәламәтлек һәм уңышлар телибез.

Фото - "Мөслим-информ" архивыннан