Мөслим районыннан «Тукай бизәкләре» бәйрәмгә чакыру алды

15 июнь көнне Мамадыш районы Олы Шия авылында мари халкының традицион бәйрәме - Семык үтте. Мөслим районыннан "Тукай бизәкләре" хореография ансамбле һәм "Полер кас" мари фольклор ансамбле Татарстан Халыклар Дуслыгы йортыннан әлеге бәйрәмгә чакыру алды.

"ТР Халыклар ассамблеясенең Мөслим вәкиллеге җитәкчесе Рушат Солтанов җитәкчелегендә бәйрәмгә барган коллективлар үзләренең чыгышлары белән республикакүләм чараны бизәде һәм оештыручыларның истәлек бүләкләренә лаек булды, үзләре дә төрле уеннарда катнашып ял итә алдылар", - дип хәбәр итәләр Мөслим балалар сәнгать мәктәбеннән.

Фотолар - сәнгать мәктәбе архивыннан.