Бүген тәрбиячеләр көне

27 нче сентябрь — Рәсәйдә тәрбияче һәм мәктәпкәчә яшьтәге балаларга белем бирүче укытучылар көне.

Шушы уңайдан мәктәпкәчә белем бирү учреждениесе хезмәткәрләрен, хезмәт ветераннарын чын күңелдән һөнәри бәйрәмнәре – тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт, зур осталык, күңел җылысы, тырышлык һәм түземлелек таләп итә. Ул даими рәвештә һөнәри яктан камилләшү, көч, энергия һәм зур сабырлык сорый.
 Хөрмәтле тәрбиячеләр! Сабыйлар дөньясында куйган хезмәтләрегез өчен зур рәхмәтебезне белдерәбез. Киләчәк көннәрегезнең дә матур нәтиҗәләр алып килүен, саулык-сәламәтлек, гаилә иминлеге телибез.

Фото -  "Мөслим-информ" архивыннан