Ат чабышы - Сабантуйның иң матур мизгелләренең берсе (+фоторепортаж)
Быелгы бәйрәмдә алты заездда 34 ат катнашты.
Ат чабышы - Сабантуйның иң матур мизгелләренең берсе. Быелгы бәйрәмдә алты заездда 34 ат катнашты. Татарстанда туган юртаклар арасында беренче урынны Голд Принц кушаматлы ат яулады. Җайдагы - Фазаил Вәлиев. Икенче урында - Мөхәмәтдин Хәертдиновның Задающий Ритм кушаматлы аты. Өченче урында - Сарман районыннан Гамлет кушаматлы юртак.
Мөслимнең ат-спорт мәктәбендә шөгыльләнүче укучылар иярләгән юртаклар арасында Зита кушаматлы ат беренче килде.
Россиядә һәм чит илдә туган юртаклар арасында беренче өчлектә Памир ( җайдагы - Фазаил Вәлиев), Арчбольд Ганновер ( Мәхмүт Баһаветдинов) һәм Лебенсон Гановер (Алексей Скворцов).
4 яшькә кадәр юртаклар арасында да Фазаил Вәлиевнең Падишаһ кушаматлы аты җиңүче булды. Икенче урында Даймона Люк кушаматлы юртак белән Мәхмүт Баһаветдинов, өченче урында - Оренбургтан килгән юртак.
Чабышкылар арасында беренче урынны Сарманнан Фиалка кушаматлы ат яулады.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев