Урып-җыю – саннарда

11 сентябрь 2026 - 10:24 Автор:

admin

Районда урып-җыю эшләре ярты чикне узды. Бүгенге көндә барлык чәчелгән бөртекле һәм бөртекле-кузаклы культуралар мәйданының 54,04 процентында эш башкарылган

Кыр кораблары - басуда. Район авыл хуҗалыгы һәм азык-төлек идарәсеннән алынган фото нигезендә ялма фәһем ярдәмендә эшләнде. — Кыр кораблары - басуда. Фото район авыл хуҗалыгы һәм азык-төлек идарәсеннән алынган фото нигезендә ясалма фәһем ярдәмендә эшләнде.

Район хуҗалыкларында урып-җыю кампаниясе дәвам итә. Авыл хезмәтчәннәре басуларда көн саен эшләп, игеннәрне югалтуларсыз җыеп алу өчен тырыша.

10 сентябрьгә булган мәгълүматлар

Урып-җыю барышы буенча район хуҗалыкларында күрсәткечләр түбәндәгечә:

«Орлыклар академиясе» – 327 гектар мәйданда эш башкарылган, бу планның 100 проценты, уртача уңыш – 39,4 ц/га;
«Исламов» ФХ – 4000 гектар, 100 процент, уңыш – 24,5 ц/га;
«Туган як» – 1932 гектар, 100 процент, уңыш – 32,1 ц/га;
«Авзалов» – 775 гектар, 100 процент, уңыш – 13,7 ц/га;
«Нуретдинов» ФХ – 1008 гектар, 87,0 процент, уңыш – 18,5 ц/га;
«Әюпов» ФХ – 770 гектар, 77,3 процент, уңыш – 29,0 ц/га;
«Намус» – 2649 гектар, 57,8 процент, уңыш – 29,8 ц/га;
«Август-Мөслим» – 1517 гектар, 13,8 процент, уңыш – 31,8 ц/га;
вак фермер хуҗалыклары – 2571 гектар, 63,6 процент, уңыш – 30,0 ц/га.

Урып-җыюда алдынгылар

Уракның кызган чагында комбайнчылар арасында да иң югары күрсәткечләр өчен көрәш бара. «Тукано», «Нью-Холланд», «Торум» комбайннарында эшләүчеләр арасында Илнар Сөләйманов («Туган як») – 4123 тонна белән беренче урында. Аннан соң Әбүләес Морзаханов – 3910 тонна һәм Рөстәм Ильясов – 3577 тонна.

«Полесье», «Акрос», «Кейс» комбайннарында эшләүчеләр арасында Сирин Хуҗин («Туган як») – 3297 тонна белән лидер. Шулай ук Евгений Үтәгәнов – 2514 тонна, Газинур Ногманов («Авзалов») – 1412 тонна, Илмир Ямалетдинов («Туган як») – 785 тонна, Мәгъдәнүр Мәҗипов («Авзалов») – 727 тонна суктырган.

«МакДон», «ES-1», «КСУ-1,00» ургычларында (гектарларда) Виталий Сиваков («Авзалов») – 325 гектар күрсәткеч белән алда бара.

Район буенча

Гомумән алганда, район буенча бөртекле һәм бөртекле-кузаклы культуралар 15 549 гектарда җыеп алынган. Бу барлык мәйданның 54,04 процентын тәшкил итә. Уртача уңыш – 27,6 центнер.

Урып-җыю эшләре дәвам итә. Алда әле басуларның зур өлеше бар, димәк, авыл хезмәтчәннәрен тагын да тыгыз эш көннәре көтә.

Фото: ясалма фәһем.