«Все СВОи» патриотик марафоны үтәчәк

Бүген Татарстанда контракт нигезендә хезмәт итүгә теләктәшлек йөзеннән "Все СВОи" патриотик марафоны үтә.

Россия күләмендәге зур масштаблы әлеге чара илебез тарихында беренче тапкыр үткәрелә.

12 сәгатьлек марафонда махсус хәрби операция һәм контракт нигезендә хезмәт итү буенча җентекле мәгълүмат биреләчәк. Массакүләм мәгълүмат чаралары геройларның тарихы турында сөйләячәк, сорауларга җаваплар биреләчәк.

50 дән артык спикер масхсус хәрби операциянең сәяси аспектларын аңлатачак, Ватанга хезмәт итүгә карата дини оешмаларның мөнәсәбәте, белем бирү учреждениеләрендә ватанпәрвәрлек тәрбияләү буенча хәл итәсе мәсьәләләр дә кузгатылачак.

Марафон 10.00 сәгатьтә башланып, 22.00 сәгатькә кадәр дәвам итәчәк.

Марафонга "Мөслим-информ" да кушыла. Без дә көн дәвамында барлык мәгълүмат мәйданчыкларында әлеге теманы яктыртачакбыз.

Фото - Мөслим-информ архивыннан.