Дусайда яңа ФАП эшли (фоторепортаж)

Баек авыл җирлеге составына керүче Дусай авылы кече авыллардан санала. Бүген авылда 48 хуҗалыкта 102 кеше яши. Соңгы елларда авылда социаль әһәмияткә ия булган биналар яңартыла, авыл халкының тормыш шартларын яхшырту буенча нәтиҗәле эш алып барыла.

Ел башында гына авыл халкы капиталь ремонтланган клуб бинасын ачу тантанасын үткәргән иде. Шушы көннәрдә тагын бер сөенечле вакыйга шаһитлары булды дусайлылар. Биредә “Сәламәтлек саклау” милли проекты кысаларында эшләүче республика программасы буенча модульле фельдшер-акушерлык пункты төзелде.  ФАП бинасын тантаналы ачу чарасы дусайлылар өчен бәйрәмгә әйләнде.

– Район башлыгы булып эшли башлаган көннәрдә Дусай авылы фельдшер-акушерлык пунктын күргәч: “Биредә нәрсә эшләп була?” – дигән сорау туды, – диде район башлыгы Альберт Хуҗин, хатирәләре белән уртаклашып. 

Фәридә Гайнетдинова

Фәридә Гайнетдинова фотолары

Тулырак "Авыл утлары" газетасының 2023 елының 27 октябрь санында укыгыз.