"Мирас" футбол командасы уңышлары белән гел сөендереп тора
Бүгенге көндә "Мирас" футбол командасына 2011-2012нче елгы малайлар йөри. Ярышларда катнашкан “Мирас” футбол командасы составында Г.Тукай исемендәге Мөслим урта мәктәбе укучылары шөгыльләнә. Тренерлары - Илфат Хафизов кул астында 18 егет футбол серләренә төшенә. 2024 елны "Мирас"лылар футбол буенча НФЛ "Җиңү Кубогы"нда яшүсмерләр арасында Бөтенроссия балалар турнирында катнашты һәм 54 команда арасыннан 2 урынга чыкты. Шулай ук район, республика ярышларында катнашып, кубок һәм медальләр алалар. Команда барлык уңайлыклары булган «Яшьлек» спорт комплексында урнашкан футбол мәйданчыгында шөгыльләнә.