Театр артистлары кунак булды

Очрашу район мәгариф идарәсе игълан иткән “Тел күрке – сүз” районкүләм проекты кысаларында узды. Кунаклар авылдашларыбыз – К.Тинчурин исемендәге Татар дәүләт драма һәм комедия театры артистлары Артём Пискунов белән аның тормыш иптәше Резеда Сәләхова иде. Чарада ра-йон мәктәпләренең татар теле һәм әдәбияты укытучылары, Усы мәктәбе укучылары һәм мөгаллимнәре, Артемның әти-әнисе, авылдашлар катнашты.

Мөслим төбәге талантларга бай. Сәнгатьнең кайсы гына төрен алма, һәрберсендә, шул исәптән театр сәнгатендә дә мөслимлеләр якты эз калдыра. К.Тинчурин театры артисты Артём Пискуновның Усы егете булуы – авылыбыз өчен горурлык.

Кунакларны алкышлар астында сәхнә түренә чакырдык. Үзешчән җырчы Наилә Демидова җыр бүләк итте. Усы мәктәбе укучылары Резеда һәм Артём Пискуновларның тормышы, иҗат юлы белән таныштырдылар.

Сөмбел Григорьева фотосы