«Татарстан Геройлары» контракт буенча хәрби хезмәт турында беренче марафонны күрсәтә

Иртәгә, 17 октябрьдә, Татарстанда контракт буенча хезмәт итәргә теләүче гражданнарга ярдәм итү өчен патриотик акция башлана. Трансляция heroes-tatarstan.ru. сайтында узачак, чара 10.00 сәгатьтә башланачак.

Марафонда ТР Хәрби комиссариатының контракт буенча хәрби хезмәткә сайлап алу пункты башлыгы урынбасары Рөстәм Сафиуллин, Казанда сайлап алу пункты башлыгы Евгений Токмаков, ТР Премьер-министры урынбасары Ләйлә Фазлыева катнашачак.

12 сәгатьлек марафон махсус операциядә катнашучыларны берләштерәчәк. Анда шулай ук мобилизацияләнгәннәрнең хатыннары һәм туганнары, ТР атказанган артисты Марина Карпова, политолог һәм Россия разведчигы Андрей Безруков, РФ Иҗтимагый палатасы әгъзасы Александр Малькевич, муниципаль берәмлекләр башлыклары, социаль яклау, хәйрия оешмалары, сәламәтлек саклау оешмалары вәкилләре һәм башкалар катнашачак.

Марафонга республика телеканаллары, радиостанцияләр тоташачак, трансляция социаль челтәрләрдә дә узачак. Туры эфирда контракт хезмәте турында барлык актуаль мәгълүмат, шулай ук геройлар тарихы һәм СВО катнашучыларына һәм аларның гаиләләренә социаль ярдәм  чаралары турындагы сорауларга җаваплар булачак.

Тулы трансляцияне шулай ук ТНВ телеканалында, Вконтакте «Татарстан Республикасы» рәсми берләшмәсендә, социаль челтәрләрдә, «Бим-радио» да, «Күңел» радиосында, «Авторадио» да, «Ди-ФМ» радиосында карарга мөмкин.

Тамашачылар 117 кайнар линиягә шалтырата яки QR-код буенча контракт хезмәте мәсьәләсе буенча контакт-үзәге булган чатка кереп үзләрен кызыксындырган сорауларны бирә алачак, дип хәбәр итәләр оештыручылар.

Исегезгә төшерәбез, Татарстанда контракт буенча хезмәткә сайлап алу пунктлары эшли, 117 нче колл-үзәк эшли, анда волонтерларга мөрәҗәгать итәргә мөмкин.

Тулырак: https://tatar-inform.tatar/news/tatarstan-geroilary-kontrakt-buenca-xarbi-xezmat-turynda-berence-marafonny-kursata-5877732