«Сарымсак белән помидор»

Помидорларны яхшылап юып, төпләрен алабыз (кечкенә помидорларның төбен пычак очы белән төртеп тишү дә җитә). Сарымсакны чистартабыз , эрерәк тырнакларны урталай бүләбез. 
Маринад әзерлибез: бер нормага бер литр су, бер аш кашыгы тоз, 200 грамм шикәр комы, ярты стакан 9%  аш серкәсе алына.
Бер яки литр ярымлы банкаларны яхшылап юып стерильләштерәбез.
Стериль банка төбенә 5-6(7-8) тырнак сарымсак салабыз һәм помидорларны тыгызлап тутырабыз. Шуның өстенә әзер, кайнар маринадны салабыз һәм 15 минутка су мунчасына куеп алабыз (банкалар астына тастымал куярга онытмыйбыз). Банкаларны тимер капкач белән ябып , астын өскә әйләндереп, юрган белән төреп  суынганчы тотабыз. Тәмле булсын!

Чулпан Латыпова фотосы