Кыяр тозлау

Кемнеңдер күңеленә бәлки түбәндәге рецепт хуш килер. 1,5литрлы банкага бер сабак укроп,  2-3 бөртек кара борыч, 2-3 бөртек хуш исле борыч, 2 тырнак сарымсак саласы. Кыярларны юып тутырганнан соң, кайнар су салабыз. 15-20 минуттан суны эмаль савытка бушатабыз һәм 1 аш калагы тоз, 1,5 аш калагы шикәр комы, 0,5 чәй калагы лимон кислотасы салып кабат кайнатабыз. Кайнар рассолны кыяр өстенә салабыз һәм 1 таблетка аспирин өстибез. Кайнар килеш капкачын ябып, өстен җәймә белән каплап суытырга куябыз. Суынган банкаларны салкынча урынга куеп саклыйбыз.