Миләүшә Хәсәновадан гөбәдия рецепты

Бүген гөбәдия пешердем әле. Камыр куйдым: 1 калак чүпрә, чеметем тоз, 1 кадәр песокны стаканга салып болгаттым да, өстенә җылы су агыздым. Бераз күпергәч, табакка ярты литр җылы сөт, 1 кашык песок, тоз, ак май, 1 йомырка, күпергән чүпрәне салып болгаттым да камыр бастым. Камыр 1 сәгатьтә кабарды.

Камырны табага җәйгәч, өстенә катлап түбәндәге ингредиентларны салабыз: 1 нче кат - кызыл эремчек, 2 кат - җимеш, 3 нче кат - дөге, ак май, 4 нче кат - йомырка, 5 нче кат - кызыл эремчек. Өстенә камырны каплап,  чәнечке белән тишкәлибез, 180 градус җылынган духовкада  30 минутлап пешереп алабыз. 

Гөбәдияне алгач, өстен майлыйбыз, суынгач тәмләп чәй эчәбез.

Фото – Миләүшә Хәсәновадан