Десерт

Кирәкле ингредиентлар: 300 грамм эремчек, уртача зурлыктагы 5 банан, 150 грамм каймак, 3 йомырка, 5 аш кашыгы шикәр комы, 3 аш кашыгы он һәм бер чеметем тоз.

Әзерләү тәртибе. Өч бананның кабыгын чистартып, блендерда әйләндерәбез һәм эремчек кушып, кабат болгатабыз. Барлыкка килгән массага шикәр комы, тоз, он өстәп күпертәбез. Катнашмага йомырка һәм каймак өстәп, янәдән болгатабыз. Барлыкка килгән массаны формага агызабыз һәм 150 градуска кадәр кызган духовкада 1 сәгать 10 минутлап пешерәбез. Суынгач, суыткычка куябыз. Калган ике бананны юка итеп түгәрәкләп кисеп, десертның өстен бизибез. Тәмле булсын!

Рубриканы Лилия Шәймиева алып бара.

Фото –  Г. Шәйгарданованың шәхси архивыннан.