Лира Халитовадан чүлмәктә икенче аш рецепты

Кирәкле ингредиентлар: 1 килограмм тавык ите, уртача зурлыктагы 2-3 баш суган, 6-7 бәрәңге, 2 кишер, 2 болгар борычы, ярты баш кәбестә, тоз-борыч, үсемлек мае, шулпа яки кайнаган су.
Маринад өчен тәмләткечләр: 6-7 тырнак вакланган сарымсак, татлы паприка, кипкән укроп, прованс үләннәре.
Әзерләү тәртибе. Тавык һәм яшелчәләрне маринадлыйбыз һәм 20 минут тотабыз. Аны кечкенә чүлмәкләргә салып, өстенә
шулпа яки кайнаган су салабыз (ингредиентлар алты кечкенә чүлмәккә җитәргә тиеш) һәм 180 градускача җылытылган духовкада бер сәгать пешерәбез. Тәмле булсын!

Рубриканы Лилия Шәймиева алып бара.

Лилия Шәймиева фотосы