Чахохбили

Кирәкле ингредиентлар: уртача зурлыктагы бер тавык, 4 помидор, 4 суган, 2 татлы борыч, 2 аш калагы томат пастасы, 1 чили борычы, ярты стакан ит шулпасы, 4 тырнак сарымсак, 1 чәй калагы аджика, ярты чәй калагы хмели-сунели тәмләткече, тәменчә тоз, борыч, бер уч кинза һәм петрушка, үсемлек мае.
Әзерләү тәртибе. Итне, артык уртача зурлыкта шакмаклап турап, мае кайнап торган кәстрүлдә кыздырабыз. Шуңа вак итеп туралган суган, ярымбоҗралап туралган татлы борыч, вакланган чили борычын, томат пастасын салабыз да яхшылап болгатабыз. Ит шулпасын, тоз, борыч һәм башка тәмләткечләр кушып, сүрән утта өстен каплап, 1,5 сәгать пешерәбез. Пешеп җитәр алдыннан помидор турап салабыз. Чахохбилины табынга петрушка яки укроп сибеп бирәбез. Тәмле булсын!

Рубриканы Лилия Шәймиева алып бара.
 

Фото – Р.Ильинаның шәхси архивыннан.