Баллы торт

Кирәкле ингредиент­лар: камыр өчен 100 гр ак­май, 1 стакан шикәр комы, 2 аш калагы бал, 2 йомыр­ка, 1 чәй калагы сода, 3 ста­кан он; крем өчен 1 банка куертылган сөт, 80 гр сыер мае кирәк.

Әзерләү тәртибе: акмай, шикәр комы hәм балны бол­гата-болгата парлы кәстрүл өстендә “су мунчасы”нда якынча 8-10 минут чама­сы эретәбез. Аннан, уттан алып, бераз суынгач, 2 йо­мырка, сода салабыз һәм тагын “су мунчасы”нда 3-5 минут болгатып торабыз. Аннары, уттан алып, он ку­шабыз һәм камыр ясыйбыз. Камыр кулга ябыша тор­ган, бераз йомшаграк була. Пергамент кәгазьгә баш­та он сибәбез, аннан ка­мырны дүрт өлешкә бүлеп, бер өлешен шунда сала­быз. Кул белән түгәрәк фор­масында яхшылап җәябез. Җәймәләрне бер-бер артлы 200 градуска кадәр кызган мичтә 8-10 минут пешереп алабыз. Суынган коржлар­ны, тәлинкәгә куеп кисеп, берсе өстенә берсен, крем сылап, тезәбез һәм торт итеп формалаштырабыз. Торт кырларына һәм өстенә крем сылап, кискәннән кал­ган камыр кисәкләрен уып сибәргә була. Кремны өй температурасында эрегән сыер мае белән куертылган сөтне бергә болгатып ясар­га кирәк.

Тәмле булсын!