Бәлеш

Эчлек өчен кирәкле ингредиентлар: 1 стакан (200 мг) карабодай ярмасы, уртача зурлыктагы 7-8 бәрәңге, 400 грамм сыер ите, 200-300 грамм сары май, уртача зурлыктагы 2-3 баш суган, тәменчә тоз, борыч. 

Әзерләү тәртибе. Бәлеш өчен гадәти төче камыр әзерлибез. Ит белән бәрәңгене шакмаклап турыйбыз. Карабодай ярмасын чистартып, юып, кайнар табада бераз кыздырабыз, аннан кайнап торган тозлы сөткә салып бүрттерәбез. Карабодай ярмасын иләктә саркытабыз да, суынгач, туралган ит һәм бәрәңге кушып бәлеш ясыйбыз. Бәлеш эченә күп итеп май, суган салабыз, тоз, борыч сибеп болгатабыз. Суганны майда кыздырып алсаң да була. 

Карабодай ярмасыннан кайберәүләр бәлешне итсез дә пешерә. Болай иткәндә, карабодай 1 килограмм чамасы кирәк булачак. Ит урынына күп итеп суган белән май салалар, аны да гөбәдия шикелле үк биек итеп ясыйлар. Тәмле булсын! 

Фото - Л. Андрееваның шәхси архивыннан