Песи ул – уенчык түгел

60 яшьлек райондашыбыз Светлана Луконина йортында 30дан артык песи яши. Светлана ханым шәхси йортта гомер кичерә. Аның ишегалдына кайвакыт 50ләп песи җыела.

– Йөрәгеңдә яшьлек дәрте булсын дисәң, песи асрарга кирәк! Песи ул – дус та, сердәш тә һәм гаҗәеп табиб та. Берәр җирең авыртса, песи шул урынга ятып мыр-мыр килеп авыртуны баса. Иртәнгә авырту кул белән сыпырып алгандай юкка чыга, – ди Светлана апа.

Светлана Луконина һөнәре буенча биолог. Райондашыбызга һөнәре песиләр тәрбияләүдә дә ярдәм итә. 

– Һәркемнең үз мәшәкатьләре, тик безнең ярдәмгә мохтаҗ хайваннар турында онытырга ярамый. Кибет янында яки урамда нәүмизләнеп карап торучы, яклау көтүче песиләр яныннан тыныч кына үтеп китә алмыйм.

Лилия Шәймиева

Фото – С.Луконинаның  шәхси  архивыннан.

Тулырак “Авыл утлары” газетасының 2024 ел 1 март санында укыгыз.