Кеше сүзе кеше үтерә

Үзгәртеп кору җилләре башлангач, Әнисә 4 баласы белән Татарстанга, әбиләреннән мирас булып калган йортка кайтып төпләнде. Ике яклы агач йортка күптән ир-ат кулы тимәгәне күренеп тора. Бер якка яншайган өйнең кайбер тәрәзәләре ватылган, шифер түбәсен дә җил менә-менә алып ташлар төсле. Йортны яшәрлек иткәнче бик нык тырышырга туры киләчәк.
Әнисә апа, һөнәре буенча хисапчы булса да, авылдагы фермерга эшкә керде: мал асларын тазартты, механизаторларга ашарга әзерләде. Кыскасы, нәрсә кушсалар, шуны эшләде. Өлкән уллары – 16 һәм 14 яшьлек Фәдис белән Фәрхәт бай әрмәнгә хуҗалык эшләрендә ярдәмче булып ялландылар. Ул “батырып” эшләүче егетләргә акчаны кызганмады. Ялгызы дөнья көткән әниләрен хөрмәт итеп, егетләргә хезмәт хакын икеләтә-өчләтә арттырып түләгән вакытлары да булды.
Әнисә апага авылда кызыгучы ир-атлар күп иде. Тик авызы бер пешкән хатын ир-атларга ышанмады.

Исемнәр үзгәртеп бирелде.

Тулырак: "Авыл утлары" газетасының 2023 ел, 16 июнь санында

Фото Татар-информ архивыннан.