Зөлфиядән – кишер тәкәсе
Кишер тәкәсе – һәр табында тансык ризык. Ул тәмле генә түгел, ә файдалы да. Кишер каротинга бай. Ул сәламәтлек өчен мөһим. Райондашыбыз Зөлфия Галиевадан кишер тәкәсе рецептын тәкъдим итәбез.
Кирәкле ингредиентлар: камыр өчен ярты литр чамасы сөт, 1 аш кашыгы шикәр комы, 1 чәй калагы тоз, 8 аш кашыгы көнбагыш мае, 25 грамм чүпрә, он.
Эчлек өчен уртача зурлыктагы 7-8 данә кишер, 150 грамм акмай һәм тәменчә шикәр комы кирәк була.
Әзерләү тәртибе. Йомшак кына камыр басып, кабартырга куябыз. Ул арада кишерне угычтан уабыз, акмайны эретәбез. Кишер, шикәр комы салып, капкачын ябып, кишер йомшарганчы пешереп алабыз. Эчлек әзер булгач, өстенә эретелгән майны салабыз.
Камыр кабаргач, аннан эченә кишерле эчлекне салып, кабартмалар ясыйбыз һәм өсте кызарганчы духовкада пешерәбез.
Тәмле булсын!
Рубриканы Лилия Шәймиева алып бара.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев