Юлларга көрт сарган

– Без инде өлкән яшьтә. Кар көрте аркасында кибеткә ипигә-сөткә бара алмыйбыз. Кар яву белән чистартмагач, кар күбәеп киткәч, эттерүе авыр бит инде. Шуңа күрә чи­стартып булмый диләр. Кыш башыннан ук эттереп торсаң, алай булмый югыйсә. Беренче ел гына түгел, берничә ел ка­батлана мондый хәл. Югыйсә үзара салым акчасын да беренчеләрдән түләп куябыз, – ди Люба апа.

– Бу тыкрык тар, аны тех­ника белән чистарту авырга туры килә һәм карын урнаш­тыру өчен урын юк. Карны читкә ташып түгү яки даими рәвештә кар аттыргыч техника белән чистарту бик кыйммәткә төшә. Кибеткә бару өчен анда җәяүле сукмагы бар, ә төп юл урамнан уза, урамны исә да­ими рәвештә кардан чистар­тып торабыз, – ди Иске Кара­малы авыл җирлеге башлыгы Илнур Кәримов.