Яшькә карамый

Суд аларны РФ Җинаять кодексының 264.1 маддәсендә каралган җинаять кылуда, ягъни административ җәзага тартылган зат тарафыннан юл хәрәкәте кагыйдәләрен бозуда гаепле дип тапты.

70 яшьлек район кешесе – 2019нчы елның 22 августында 18 сәгать 28 минутта исерек хәлдә трактор белән идарә иткәндә, ә 61 яшьлеге 2019нчы елның 1 сентябрендә 10 сәгать 50 минутта шулай ук исерек килеш автомобиль белән идарә иткәндә туктатыла. Документларын тикшергәч, икесенең дә исрек хәлдә рульгә утырганнары өчен административ җәзага тартылган булулары ачыклана.

Ир-аталар үз гаепләрен таныдылар. Хәзер инде аларның икесе дә 3 ел дәвамында транспорт белән идарә итә алмаячак. Моннан тыш беренчесе – 300 сәгать, икенчесе 200 сәгать мәҗбүри эш башкарырга тиеш. Карарлар үз көченә керде.

Район прокуратурасы.

Фото - Pixabay.com