Ярминкә гөрләде

7 март көнне Мөслим үзәгендә Халыкара хатын-кызлар көне уңаеннан бәйрәм ярминкәсе узды. Анда 50гә якын сәүдә ноктасы эшләде. Райондашларыбыз сәнәгать товарлары белән бергә ит һәм ит ризыклары, җиләк-җимеш, бал, балык кебек продуктларны яратып алды. “Туган як” агрофирмасы, “Шиһапов”, “Кәлимуллин” “Ибраһимова” фермер хуҗалыклары – ит һәм сөт, “Хәмәдишин”, “Хөснуллин” хуҗалыклары – каз, “Фаиза” авыл хуҗалыгы кооперативы сөт ризыклары тәкъдим итте. “Август-Мөслим” агрофирмасы ашлык сатты. Район үзешчәннәренең чыгышы ярминкәгә бәйрәм төсмере өстәде.