Ярминкә гөрләде (+ФОТОЛАР)

 Бүген Мөслим үзәгенең Зифа Басыйрова исемендәге район мәдәният йорты алдындагы мәйданда бәйрәм ярминкәсе үтте. Ярминкәдә “Август-Мөслим”, “туган як” агрофирмалары үз продукцияләре белән сату иттеләр. Шулай ук, “Чайка” фермер хуҗалыгы йомырка, “Шигапов” гаилә фермасы, шәхси эшмәкәр “Ибраһимова” - ит, “Хамадишин” һәм “Бәширов” фермер хуҗалыклары кош ите, “Габидуллина” гаилә фермасы сөт ризыклары  белән сату иттеләр. Шулай ук, бал һәм башка продукцияләр дә сатучылар булды. Кием-салым, төрле бүләкләр, икмәк-булка эшләнмәләре, җимешләр сатучы эшмәкәрләр дә дистәдән артык җыелган иде. Ярминкәгә килгән райондашларыбыз ярминкәнең бай булуыннан, товарларның төрлелегеннән соклануларын белдерделәр. Авыл мәдәният йортларыннан килгән Кыш бабай һәм Кар кызлары җырлап-биеп ярминкәгә җыелучыларның күңелләрен ачтылар. Райондашларыбыз үзешчән сәнгатьтә катнашучыларның җыр-моңнарын да бик яратып тыңладылар.

Фото –"Мөслим-информ" архивыннан.