Яр Чаллыда кунакта

Быел опекун һәм алмаш гаиләләрдә тәрбияләнүче  җиде бала беренче сыйныфка  укырга барды. 22 сентябрь көнне аларны һәм аларның  әти-әниләрен “Яр Чаллы  шәһәренең ата-аналар карамагыннан мәхрүм булган балаларны гаиләгә урнаштыруда, алмаш гаиләләр әзерләүдә һәм әйдәп баруда ярдәм итүче үзәк” дәүләт бюджет учреждениесендә кунак иттеләр. Балалар һәм аларның әти-әниләре  театральләштерелгән тамаша карадылар,  ял паркында  карусельләрдә һәм төрле аттракционнарда күңел ачтылар. Әти-әниләр дә, балалар да үткәрелгән чара белән канәгать булып кайттылар.