Янгын куркынычсызлыгы таләпләре үтәлмәсә

– 10 июньдә Мөслимдәге пекарнядан көчле төтен чыгуы турында хәбәр килде. Эшчеләр мөстәкыйль рәвештә эвакуацияләнгән иде. Тикшерү барышында электр челтәрендә кыска ялганыш булуы ачыкланды, –дип хәбәр итә Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.

Янгын куркынычсызлыгы таләпләрен үтәргә кирәк. Төзек булмаган электротехник җайланмаларны, мичләрне кулланмагыз. Аларның техник торышын даими тикшереп торырга, ут белән сак эш итәргә кирәк. Республикада ел саен янгыннарда балалар һәлак була. Мондый фаҗигаләрне булдырмасөчен балаларны өйдә караучысыз калдырмагыз. Өлкән яшьтәге кешеләрне өйдә ялгыз калдыру да фаҗигагә китерергә мөмкин.