Ягу сезонына район тулысынча әзер

Ягу сезонына әзерлек ягу сезоны тәмамлану белән башлана. Ягу сезонына район тулысынча әзер, ди җаваплы службалар. Һәр оешманың ягу сезонына әзерлеге турында паспортлар төзелә. Бүгенге көндә Мөслимдәге барлык социаль объектларны ике котельный җылыта. Җиденче һәм тугызынчы санлы котельныйлар 34 мәгариф объектын, 14 сәламәтлек саклау учреждениесен, 31 мәдәният объектын, 6 спорт, 2 социаль яклау, хезмәт һәм мәшгульлек үзәге урнашкан биналарны җылылык белән тәэмин итә.