Волейбол турниры узды

4 ноябрь - Халыклар бердәмлеге көне уңаеннан Мөслимнең универсаль спорт залында волейбол турниры узды.
Турнирда барлыгы 7 команда, 56 спортчы көч сынашты. Киеренке көрәштә бу елны да Сарман районы командасы 1 урын яулады. Икенче-өченче  урыннарда - Мөслимнең "Яшьлек" һәм "Мечта" командалары. 4 урында Азнакай районының Чалпы авылы командасы калды. Җиңүчеләргә Мактау грамоталары һәм медальләр, беренче урын яулаган Сарман районы командасына исә күчмә кубок тапшырылды. Ярышларны районның массакүләм мәдәни һәм спорт чаралары дирекциясе оештырды.