Миләшкәй" балалар бакчасында очрашу узды

"Миләшкәй" балалар бакчасында Россиянең атказанган очучысы Рәшит Шәфыйков белән очрашу узды. "Болытлардан да биегрәк" исеме астында үткәрелгән чарада Рәшит Вагыйз улы балаларга үзенең тормышы, хезмәте турында сөйләде. Җылы очрашуны бакчаның беренче категорияле тәрбиячесе Зилә Кашапова үткәрде. Бакчада үсеп килүче буынга патриотик тәрбия бирү максатыннан да шактый эшләр эшләнә. Шул максаттан кечкенә "Миләшкәй"леләр солдат егете белән дә очрашты. "Солдатта булган диләр" исемле чарага кунак итеп чакырылган Баланлы авылы егете Алмаз Исламов сабыйларны солдат хезмәте белән таныштырды, армия мәктәбенең үзенчәлекләре турында сөйләде. Тәрбияче Айзирә Вәлиуллина оештырган очрашудан балалар бик канәгать калды.