Узган атнада Мөслимдә 7 кинәт үлү очрагы теркәлде

Административ законлылыкны бозган өчен полиция хезмәткәрләре тарафыннан 118 беркетмә төзелде. Җәмәгать урынында алкогольле эчемлекләр кулланган һәм исерек килеш йөргән, табиб күрсәтмәсеннән башка наркотик матдәләр кулланган, вак караклык кылган, тәмәке тартуга бәйле тыюларны бозган, тикшерүче таләпләрен үтәмәгән, кеше милкен бозган райондашларыбыз административ җаваплылыкка тартылды.

Юл хәрәкәте кагыйдәләрен бозган өчен – 98, автотранспорт белән исерек килеш идарә иткән өчен 3 беркетмә төзелде.

Атна дәвамында 3 юл-транспорт һәлакәте булды, барысы да механик характерда, зыян күрүчеләр юк. 98 беркетмәнең 13е “Имин шәһәр” АП комплекс ярдәмендә ачыкланган кыңгыр эшләр буенча төзелде. Хокук бозучылар билгеле, алар административ җаваплылыкка тартылды.

Узган атнада7 кинәт үлү очрагы теркәлде.