Узган атнада җирлегебездә биш юл-транспорт һәлакәте булды

Аларның барысында да машиналар техник зыян алды. “Мөслимнең Урожай урамында, КамАЗ машинасын узам дим,” Рено-Дастер” машинасы авариягә тарый. Җиңел машинадагы хатын-кыз, куркынычсызлык каешы эләктерелгән булуы аркасында гына исән кала. Машина әйләнә, шофер ханым җиңелчә тән җәрәхәтләре ала. “Татнефть” ягулык салу станциясе янында “Лада-Гранта” машинасы шоферы йоклап китеп “Скания” йөк машинасына бәрелә. Бәхеткә, шофер исән кала. Михайловка авылы янында” УАЗ-Патриот” машинасы да шофер йоклап китү сәбәпле юл читенә барып төшкән. Аварияләрнең барысында да шоферларның игътибарсызлыгы сәбәпче, – ди ДАИның өлкән инспекторы Феликс Мәгъданов.