Уңыш әйбәт чыга

"Әюпов" фермер хуҗалыгы Тойгелде һәм Чия Түбә авылларында 3 мең гектарда көзге һәм язгы бодай, арпа үстерә. 500 гектарда үстерелгән көзге бодай инде җыеп алынган, гектар биреме 30 ц тәшкил иткән. Арпа һәр гектардан 35-40 ц уңыш бирә. Басуда комбайнчылар Фәндәс Мәүлетов, Марат Солтанов, Фәнис Галиев, Рөстәм Биктаһиров һәм Владислав Дорофеев хезмәт куя. Ашлыкны Фәнис Гыймаев һәм Нәзир Гайфиев ташый. Хуҗалыкта уңыш җыю белән бергә көзге чәчү өчен җир әзерләү һәм җир эшкәртү дә башкарыла.