Урып-җыюда робот булыша

COGNITIVE AGRO PILOT системасы – комбайн кабинасындагы камера, авто­мат рәвештә идарә итү блогы һәм ди­сплей. Видеокамера йөрү вакытындагы хәлне күрсәтә (спутник сигналларын файдаланмыйча) һәм кинәт пәйда бул­ган объектларны, мәсәлән, кешеләрне, хайваннарны, “таный”. Система ро­бот һәм комбайнчы арасындагы “ба­суны контрольдә тоту” һәм “йөртү” функцияләрен аера, шуның белән кеше факторына юл калдырмый. Робот теләсә нинди һава шартларында һәм яктылык­та эшли.

– Автопилот комбайнны нәкъ басу кы­рыннан алып бара. Механизатор эшләсә, гадәттә, ургычның бөтен киңлегенә алмый, шул сәбәпле “запас”ка бик күп буш сантимет­рлар калып бара. Димәк “акыллы система” нәтиҗәлерәк эшләргә мөмкинлек бирә һәм шактый күләмдә ягулык-майлау материалла­ры янга кала. Механизаторларга да җиңелрәк, алар азрак алҗый. Эш сменасы дәвамында комбайн йөртергә һәм шул ук вакытта чәчүлекләрнең киңлеген даими рәвештә контрольдә тоту бик авырга туры килә иде, – ди “Август-Агро” идарәче компаниясенең әйдәүче инженеры Динар Абзалов.

– Шундый уңайлы! Мин комбайнда уты­рам һәм кирәк булган очракта гына идарәгә “кушылам”, ә уйлавын техника “уйлый”. Ә бит рәтне көн дәвамында “тотарга” кирәк иде. Бо­лай автопилот эшебезне бик нык җиңеләйтә, – дип, тәэсирләре белән уртаклашты ком­байнчы Илгиз Садыйков. Аңа бәхет елмайды – ул яңа системаны үз комбайнында беренче булып сынап карады.

Эксперимент режимында автопи­лот Honey Bee ургычлы TORUM 750 комбайннарының берсенә урнаштырылган. Эксперимент төгәлләнгәч һәм аналитик исәп-хисап ясалгач, “акыллы робот”ларны “Август-Агро” агрофирмасы кырларында файдалануның максатка яраклылыгы ту­рында карар кабул ителәчәк.

Җаваплылыгы чикләнгән “Август-Аг­ро” идарәче компания­се” җәмгыяте – Татар­стан Республикасында авыл хуҗалыгы продук­циясе җитештерүче иң эре предприятиеләрнең берсе. Безнең респу­бликада 140 мең гек­тар сөрүлек җирләрдә ул бөртекле, кузаклы куль­туралар, көнбагыш, рапс, кукуруз һ.б. культуралар үстерү белән шөгыльләнә. Предприятиедә сөт юнәлешендә барлыгы 6,8 мең баш мөгезле эре тер­лек асрала, шуларның 3,5 мең башы – савым сыеры.