"Урман иле"ндә - табиб

“Урман иле” ял һәм сәламәтләндерү лагереның соңгы сменасының яртысы узып бара. Вожатыйлар балалар белән танышып беттеләр, аларның нәрсә белән кызыксынуларын инде беләләр. Көн саен хәрәкәтле уеннар үткәрелә, балалар арып китсәләр, әхлак дәресләре оештырыла, аннан соң спорт уеннары уйнатыла. “Мизгел” яшьләр үзәге хезмәткәрләре килеп күңелле эстафеталар, футбол буенча турнир, кызыклы әңгәмә оештырган. Шифаханә хирургы Хамматов Дамир Рафкатович балаларга гына түгел, өлкәннәр өчен дә файдалы булган лекция укыган, яраларны ничек тегәргә, ничек итеп җәрәхәтләрне дөрес бәйләргә икәнен күрсәткән. Ашханәдә кулланылучы  савыт-саба юа торган губка табиб өчен  “пациент” ролен башкарган. Балалар  тормышта кулланырдай файдалы яңалык ишетәләр, яңа кешеләр белән аралашып торалар.