Урлашкан өчен җәза билгеләнде

Суд бинага рөхсәтсез кереп урлашкан Тат. Бүләр авылы кешесен РФ Җинаять кодексының 158 маддә 2 бүлегенең “б” пунктында каралган җинаять кылуда гаепле дип тапты. Район прокуратурасы җинаять эше буенча дәүләт гаепләвен яклап чыкты. 
Суд билгеләгәнчә, 2018 нче елның 15 сентябрендә якынча 23.00 сәгать тирәсендә әлеге кеше милек урлау уе белән Тат. Бүләр авылындагы ферма территориясенә керә. Ул, сүтеп алып, запас частьләр урлый. Нәтиҗәдә милекчегә – җаваплылыгы чикләнгән “Август-Мөслим” җәмгыятенә 32 000 сумлык зыян килә. 
Гаепләнүче үз гаебен таныды. Суд аңа 7000 сум күләмендә җәза билгеләде.