Тырыш хезмәт хөрмәт китерә

Зөлфәт Шәрипов  – Октябрь авылы егете, “Август-Мөслим” агрофирмасында хезмәт куя. Урып-җыю һәм терлек азыгы әзерләү чорында “Ягуар” комбайнын һәм язгы чәчү вакытында “Аксион” класслы тракторын иярли ул. “Зөлфәт кебек карусыз, тырыш, үз эшен яратып һәм төгәл башкаручы кешеләр күбрәк булсын иде. Терлек азыгы әзерләүдә дә аңа тиңнәр юк. Хуҗалык малларына кышкы чорга икешәр еллык азык запасы туплау нияте белән эшли Зөлфәт. Уңган механизатор сезон вакытында смена нормасын 150 процентка үтәп бара. Техниканың җитештерүчән һәм ватылуларсыз эшләвендә, һичшиксез, аның тырыш хезмәте ята”, – ди агрофирма җитәкчелеге. 
Әлфинур Ногманова фотосы.